عرق النساء والحمل

الحمد لله بعد اجهاض وحمل خارج الرحم بقالي 4سنين الحمد لله حامل بس انا بشتكي من ظهري من زماااان وكنت بتعالج واخد مسكنات وادوية بس من اول ما حملت منعت كل حاجة غيرررر الدوفاستون حمض الفوليك يوفامين ريتارد لان عندي صديد فالبول دول الادويه اللي الدكتور كاتبهالي ورحت من اسبوع اطمن عالحمل بس الدكتور طول شويه وبعدين قال تمام ولا سمعني النبض ولا حاجة انا ف اخر التاني المهم ان ضهري من اول الحمل وانا همووووت من الوجع وكنت بستحمل عشان خاطر بيتي وبنتي وبقف وانا بتالم والحمد لله بدهن مرهم الدكتور كاتبهولي بس المشكلللللللله اني عطست عطسه جامدة لما كشفت ع دكتور مخ واعصاب قالي انتي اصلا كان عندك غضروف ف الفقرة الرابعة والخامسة ولما عطستي الحركة دي حركت الغضروف مت مكانة ضغط علي العصب الوركي (عرق النسا) عندي يا جماعة الم جاااااااااااامد جدااااااااااااا الوجع بادئ مت ضهري نازل ع وركي وضهر ركبتي ورجلي من تحت لا بعرف انام ولا اتقلب يمين ولا شمال قاعدة ع اهلي اخواتي اللي بيشيلوا رجلي يطلعوني عالسرير يودوني الحمام بيمسكوا هدومي ويقلبوني عالسرير مش قادرة خالص ياجماعة ومفيش دكتور راضي يكتب لي ع علاج ولما يأست كلمت دكتور نسا تاني ودكتورة كمان كنت بتابع عندهم من زمان كتبولي ع حقنة نيوروتون للاعصاب وقالولي انها عبارة عن فيتامين ب مفيد للاعصاب وكمان لبوس بروفينيد مرتين فاليوم وقالولي متخافيش مش هيضر بس اخدت اللبوس ومش عمل حاجة وبقالي يومين باخد الحقنة بردوا مش حاسو بتحسن وكل اللي حواليا زعلانين عليا من الالم والصويت اللي بصوتة وانا رايحة الحمام يااارب فيدوني في تعبي حالتي النفسية زفت قولولي ع اي حاجة تريحني واقدر اقف ع رجلي ساعات بفكراخد حقن مسكنة بس بيقولولي كدة يبقي انتي بتجهضي نفسك ساعدوني وادعولي

صحيح هي مشكلة, لا يوجد طبيب يريد أن يأخذ المسؤولية بصرف أدوية يمكن أن تُسبب تشوهات خلقية للجنين و هذا طبيعي, و الديسك هو سبب الألم و لا يوجد حل سوى الصبر و الله يكون في عونك.

طبعاً في الحالآت التي تتطور بحيث يكون هناك خطر على العصب (تلفه من جرآء ضغط الغضروف و ضعف العضلات), يُمكن أن ينصح الجراح بعمل عملية جراحية لإزالة الضغط.

دكتور خليل اليوسفي